அம்பேத்கர் சிலை சர்ச்சை!  கள்ளக்குறிச்சி கலாட்டா!

கள்ளக்குறிச்சி நகர பஸ்நிலையத்தின் பின்புறத்தில், ஒருங்கிணைந்த நீதிமன்றம் அருகில், 1992ஆம் ஆண்டு 13 பேர் கொண்ட குழுவினரால் அம்பேத் கர் சிலை நிறுவப்பட்டது. இந்த சிலையை முன்னாள் பிரதமர் வி.பி.சிங், மத்திய அமைச்சர் ராம்விலாஸ் பஸ்வான் ஆகியோர் திறந்துவைத்தனர். தற்போது இந்த சிலையை வெண்கலச்சிலையாக மறுசீரமைப்பு செய்வதற்காக முயற்சியெடுக்கப்படும் நிலையில், அ.தி.மு.க. நகரச் செயலாளர் பாபு, அ.தி.மு.க. எம்.எல்.ஏ. செந்தில் குமார் ஆகியோர் கடும் எதிர்ப்பு தெரிவித்துள்ளனர். 

அம்பேத்கர் சிலை மறு சீரமைப்பிற்கு அ.தி.மு.க. எதிர்ப்பு தெரிவிப்பது ஏன்? என்று அ.தி.மு.க. மாணவர் அணி வழக்கறிஞர் தண்டபாணியிடம் கேட்டோம். "அம்பேத்கர் திருவுருவச்சிலையை மறுசீரமைப்பு செய்து, வெண் கலச்சிலையாக மாற்றியமைப்பதில் மாற்றுக்கருத்து இல்லை. அதேவேளை, அப்பணியில் அ.தி.மு.க. உள்ளிட்ட அனைத்துக் கட்சியினரின் பங்களிப்பும் இருக்கவேண்டுமென்று தான் கோரிக்கை வைக் கிறோம். காரணம், கட்சிப் பாகுபாடு இல்லாமல் அனைத்துக் கட்சிகளும், பொதுநல அமைப்பினரும் அம்பேத்கருக்கு மரியாதை செலுத்தி வருகிறார்கள். தற்போது தி.மு.க. மற்றும் வி.சி.க.வை சேர்ந்தவர்கள் மட்டும் தன்னிச்சையாக சிலையை மறுசீரமைப்பு செய்ய முயற்சிக்கிறார்கள். இதனால் தான் எதிர்க்கிறோம். எங்களுக்கெதிராக வி.சி.க.வினர் ஆர்ப்பாட்டம் நடத்துவதை ஏற்க இயலாது. இவ்விவகாரத்தை எதிர் மறையாக சமூக வலைத்தளங்களில் பரப்பி, பொது அமைதிக்கு குந்தகம் ஏற்படுத்த சிலர் முயல் வதால், மாவட்ட ஆட்சியர், காவல் கண்காணிப்பாளர் ஆகியோர், அனைத்து அரசியல் கட்சிகளோடும் பேச்சுவார்த்தை நடத்தி சுமூகத்தீர்வு காணவேண் டும். மறுசீரமைப்புக்குப்பின் புதிய கல்வெட்டும் பதிப்பிக்கக் கூடாது. இந்த விவகாரத்தை அ.தி.மு.க.வுக்கு எதிராக திரித்து செய்தி வெளியிடுவோரை வன் மையாகக் கண்டிக்கிறோம்'' என்றார்.

இதுகுறித்து வி.சி.க. மாவட்ட செயலாளர் மதியழ கன், "தற்போது கள்ளக்குறிச்சி- திருவண்ணாமலை நெடுஞ் சாலை விரிவாக்கப்பணி நடை பெறுவதால், சாலையையொட்டி அமைந்துள்ள அம்பேத்கர் சிலை யை சற்று தள்ளி மாற்றியமைக்க வேண்டுமென்று நெடுஞ்சாலைத் துறை கூறியுள்ளது. அப்படி மாற்றும்போது வெண் கலச்சிலையாக அமைக்கலாமெனத் தீர்மானித்து, மாவட்ட ஆட்சியரிடம் அனுமதி கேட்டு கடந்த ஏப்ரல் மாதம் மனு அளிக்கப்பட்டது. வெண்கலச் சிலையை தி.மு.க. மாவட்ட செயலாளரும் ரிஷிவந்தியம் சட்டமன்ற உறுப்பினருமான வசந்தம் கார்த்திகேயன் ஏற்பாடு செய்துள்ளார். சிலையை தமிழக முதல்வர் மு.க.ஸ்டாலின் திறந்துவைப்பதாக முடிவெடுக்கப்பட்டுள்ளது. சிலையை நிறுவிய குழுவினரும் சம்மதித்துவிட்டனர். அனைத்துக்கட்சி யினரும் சிலைக்கு மாலை மரியாதை செய்வதில் எந்தத்தடையும் இல்லை. ஏற்கெனவே உள்ள கல்வெட்டும் மாற்றப்படாது. புதிய வெண்கலச் சிலையை திறந்துவைப்பவர்களின் பெயர்கள் புதிய கல்வெட்டில் இடம்பெறும். இது வழக்கமானது தான். இதை அ.தி.மு.க.வினர் அரசியலாக்கப் பார்க்கிறார்கள்'' என்றார். 

இவ்விவகாரத்தில் சுமுகத் தீர்வு காணவேண்டும் என்கிறார் கள் கள்ளக்குறிச்சி நகர மக்கள் 

-எஸ்.பி.எஸ்.